Baş Nazirin istefaya göndərilmə səbəbi - Prezident islahatları davam etdirir - ŞƏRH

Baş Nazirin istefaya göndərilmə səbəbi - Prezident islahatları davam etdirir - ŞƏRH
  • 9-10-2019, 00:24
  • 6 dəfə oxunub
Reklam

Azərbaycan Prezidenti İlham Əliyev islahatları davam etdirir. Heç şübhəsiz, bu prosesin aparılması üçün başlıca şərt kadr islahatlarıdır. Dövlət başçısı bu istiqamətdə də növbəti mühüm addımlar atmaqdadır. Bu da növbəti kadr islahatı: 72 yaşlı Novruz Məmmədovun yerinə 62 yaşlı iqtisadçı Əli Əsədov təyin edildi.

Prezident İlham Əliyev bununla ölkədə biznes mühitini yaxşılaşdırılması üçün əhəmiyyətli addım atıb. Dövlət başçısı inauqurasiya mərasimində vurğulamışdı ki, qarşıdan gələn illər ərzində biznes mühitinin yaxşılaşdırılması sahəsində əlavə addımlar atılacaq, iqtisadi islahatlar dərinləşəcək. Prezident qeyd etmişdi ki, bu sahədə tam şəffalığa nail olmalı, bütün mənfi hallara son qoyulmalıdır.

Deməli, belə məlum olur ki, hökumətin keçmiş başçısı Novruz Məmmədov cənab Prezident tərəfindən təyin olunan hədəflərin öhdəsindən gələ bilməyib. O, iqtisadi islahatlara, ümumi daxili məhsulun artım templərinin yüksəldilməsi, hökumətin işinin effektivliyinin artırılmasına nail olmayıb.



Düzdür, Prezidentin komandasında 16 ildir fəaliyyət göstərmiş keçmiş Baş Nazirin loyallığına şübhə yoxdur. Bu müddət ərzində Heydər Əliyev, daha sonra isə İlham Əliyevlə işləmiş Novruz Məmmədov ölkəsinə borcunu sədaqətlə yerinə yetirib.

Ancaq bu, istənilən vətəndaşın və dövlət rəsmisinin borcudur. Öz dövlətinə sədaqətli olmaqla iş bitmir. Məsələ qarşıya qoyulan məqsədləri həyata keçirə bilməməkdədir, bunun üçün yalnız loyallıq yetərli deyil.

Odur ki, keçmişdəki nailiyyətlərə ümid etmədən, hazırkı durumda nəticə göstərmək, hər zaman effektiv iş sərgiləmək vacib sayılır. Bu işdə əsas hədəf cari məsələlərə və mövcud vəziyyətə, real zamanın tələblərinə adekvat olmaqdır. Baş Nazir daha çevik fəaliyyət göstərməklə islahatların gedişinə böyük təkan verə bilərdi.



Heç şübhəsiz, Nazirlər Kabineti başçısının dəyişməsi həm də bütün dövlət məmurlarına verilən siqnaldır. Bu, illərdir dövlət postu tutanlara da şamil olunur. Dövrün və günün tələbinə cavab verə bilməyən(lər)in tutduğu vəzifədən getməsi labüddür.

Azərbaycanın keçmiş Baş Naziri Artur Rasi-zadə 2003-cü ilin noyabrında bu vəzifəyə təyin ediləndə 68 yaşı var idi. O, bu postda 2018-ci ilin aprelinədək 15 il işləyib. Başqa sözlə, 83 yaşındək Artur Rasi-zadə Baş Nazir olub. Müasir dünyada hökumət kimi çevik bir quruma bu yaşda başçılıq etmək Azərbaycana səmərli olmadı. Yəni həmin dövrdə Nazirlər Kabineti iqtisadi islahatlar üçün səmərəli proqram hazırlamadı.

Novruz Məmmədov da 2018-ci ilin aprelində bu vəzifəyə təyin ediləndə 71 yaşı var idi. "Məsələ yaşda deyil", deyənlərin də sözündə həqiqət böyükdür. Ancaq onların işinin öhdəsindən gələ bilməməsində bu yaşın da rolu az deyil, bəlkə, əsasdır.

Dünya siyasətində aparıcı rolu indi gənclər və orta yaşlı nümayəndələr tutmağa başlayıb. Azərbaycanın da daha mükəmməl təhsil almış təcrübəli gəncliyi var. Onlar dövlətin inkişaf etməsi üçün qarşısında duran məsələləri bilirlər. Son zamanlar təyin edilən gənc nazirlər - Təhsil naziri Ceyhun Bayramov, Kənd təsərrüfatı naziri İnam Kərimov, Əmək və Əhalinin Sosial Müdafiəsi naziri Sahil Babayev, Vergilər naziri Mikayıl Cabbarov, Nəqliyyat, Rabitə və Yüksək Texnologiyalar naziri Ramin Quluzadə, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin ("ASAN Xidmət") sədri Ülvi Mehdiyev bu etimadı doğrultmaqdadır. Onların fəaliyyəti və qarşılarına qoyulan vəzifələrin öhdəsindən gəlməsi də bunu təsdiqləyir.



Modern, yeni düşüncəli, təcrübəli, Azərbaycana sədaqətlə xidmət edəcək gənclərin yüksək postlara gətirilməsi bütövlükdə idarəetmənin səmərəliliyinin artırılması, iqtisadiyyatın böyüməsi deməkdir. Hesab etmək olar ki, islahatların genişlənməsi və effektivliyinin artırılması məqsədi ilə kadr islahatları davam edəcək. Çünki islahlatların uğurlu nəticə verməsi üçün kadrlar həlledicidir.

Bu baxımdan Prezident İlham Əliyevin apardığı islahatların əsasında həm də kadr dəyişikliyi durur. Bu sahədə gənclərə üstünlük verilməsi dövlətçilik ənənələrinin inkişafı və yeni nəsilə ötürülməsi baxımdan da əhəmiyyətlidir.


Baş Nazirin istefaya göndərilmə səbəbi - Prezident islahatları davam etdirir - ŞƏRH

FaceBook Şərh Yaz
Son Saatın Xəbərləri:
Rayonda 18 Oktyabr-Dövlət Müstəqilliyi gününə həsr olunmuş “Vətənin müdafiəsinə hazıram” devizi altında tədbir keçirilmişdirSOCAR-AQŞ Türkiyədə qazma aparacaqTerrorçular İran ərazisindən Türkiyəyə atəş açıblar, ölən və yaralanan varBakıda çay evində 61 yaşlı kişi çaydanla öldürülübRusiyada plastik paketlərdən istifadə qadağan ediləcəkNyu-Yorkda dünyanın ən böyük həbsxanası bağlanılacaqTramp: "İŞİD tam nəzarət altındadır"Fransada 11 sentyabr terroruna bənzər terror aktının qarşısı alınıbBirinci vitse-prezident Azərbaycan xalqını təbrik edibƏrdoğan: "Biz terrorizmə qalib gələndə daha çox həyatlar xilas ediləcək"BMT baş katibi ABŞ və Türkiyənin Suriya üzrə razılaşmasını alqışlayıbAzərbaycanın Dövlət Müstəqilliyi GünüdürTəhsil naziri: "Xüsusilə ibtidai sinif şagirdləri üçün dərsliklərin həftəlik dərs yükü çoxdur"Prezident İlham Əliyev ATƏT-in Minsk qrupunun həmsədrlərini qəbul edibBu gün dünyanın diqqəti Ankarada olacaqXəzər dənizi hövzəsində “yaşıl liman” adını qazanan ilk Bakı Limanı olubLatviyanın sabiq prezidenti Azərbaycana gələcəkNazir: "Gələn il Azərbaycanda 130 minə yaxın şəxsin işə düzəlməsi təmin olunacaq"Kür çayının Neftçaladan keçən hissəsi qadağan olunmuş ov vasitələrindən təmizlənibKİV: Klinsmann Ekvador yığmasının baş məşqçisi olacaqPKK tərəfdarları Almaniyanın türk əslli vətəndaşını bıçaqlayıblar"YouTube" videohostinqin işində nasazlıq yaranıb