Azərbaycan Türkiyəyə qaz ixracını 35%-dən çox artırıb

Azərbaycan Türkiyəyə qaz ixracını 35%-dən çox artırıb
  • 4-11-2019, 15:09
  • 36 dəfə oxunub
Reklam

Bu ilin avqust ayında Azərbaycan Türkiyəyə 734,97 mln. kubmetr təbii qaz ixrac edib.

İqtisad.Org” xəbər verir ki, bu barədə Türkiyənin Enerji Bazarını Tənzimləmə Qurumunun (Enerji Piyasası Düzenleme Kurumu – EPDK) hesabatında qeyd olunub.

Məlumata görə, bu, ötən ilin avqust ayı ilə müqayisədə 15,57% çoxdur. Avqustda Türkiyəyə nəql edilən təbii qazın ümumi həcmində Azərbaycanın payı 23,35% olub.

Bu ilin yanvar-avqust ayları ərzində isə Azərbaycandan Türkiyəyə 6 044,65 mln. kubmetr təbii qaz ixrac edilib. Bu, 2018-ci ilin yanvar-avqust ayları ilə müqayisədə 35,5% çoxdur. Bununla da Azərbaycan Türkiyəyə təbii qaz ixrac edən ikinci ölkədir.

Qeyd edək ki, Rusiya Türkiyəyə qaz ixracına görə liderdir. Bu ilin avqust ayında Rusiyadan Türkiyəyə 1 450,74 mln. kubmetr təbii qaz ixrac olunub. Üçüncü yerdə qərarlaşan Əlcəzair isə bu ilin avqust ayı ərzində Türkiyəyə 352,59 mln. kubmetr qaz nəql edib. Belə ki, Rusiyanın Türkiyəyə nəql edilən təbii qazın ümumi həcmindəki payı 46,08%, Əlcəzairin payı isə 11,20% olub.

Xatırladaq ki, ümumilikdə, bu ilin avqust ayında Türkiyə 3 148,09 mln. kubmetr qaz idxal edib ki, bu da 2018-ci ilin eyni ayına nisbətən 3,74% çoxdur.

Qeyd edək ki, Türkiyəyə Azərbaycanın “Şahdəniz” yatağından hasil edilən təbii qaz nəql edilir. Təbii qaz həcmləri Cənubi Qafqaz Boru Kəməri (Bakı-Tbilisi-Ərzurum) və Trans-Anadolu Təbii Qaz Kəməri (TANAP) vasitəsilə Türkiyə bazarına çatdırılır. Bakı-Tbilisi-Ərzurum kəməri ilə ilk qaz Türkiyə bazarına 2007-ci ildə daxil olub. TANAP vasitəsilə Türkiyəyə kommersiya qazının nəqlinə isə 2018-ci il iyunun 30-da başlanılıb.


Azərbaycan Türkiyəyə qaz ixracını 35%-dən çox artırıb

FaceBook Şərh Yaz
Son Saatın Xəbərləri:
İri ticarət mərkəzlərinin fəaliyyətinə icazə verilməyibBu sahələr üzrə işləyənlərin sayına qoyulan məhdudiyyətlər ləğv olunduBu şəhərlər və rayonlar üzrə 190 manat ödəniləcək - QƏRARBakı polisi reyd keçiribPolis Bakıda əməliyyat keçirdi, 30 kq narkotik aşkarlandıSaxta arayış verən baş həkim barəsində cinayət işi başlanıldı"Qobu park-3"ə məcburi köçkünlərin yerləşdirilməsi başa çatırDYP rayonlara getmək istəyən şəxslərə xəbərdarlıq etdiAQTA daha 103 obyektdə pozuntular aşkarlayıbTəhsil Nazirliyindən yeni tədris ilinin başlaması ilə bağlı açıqlamaAzərbaycanda aktiv koronavirus xəstələrinin sayı xeyli azalıbZelenski generalı işdən çıxardıRəşad Sadıqova ağır itkiHökumət sahibkarları icarə haqqından müvəqqəti azad etdiMüdafiə Nazirliyi müddətdən artıq həqiqi hərbi xidmət keçmək istəyənlərə müraciət edibŞəhid ailələri və Qarabağ müharibəsi əlillərinə 109 mənzil verilibƏr arvadını qısqanaraq boğazını kəsib öldürdüLivanda dünyanı silkələyən partlayış - yeni siyasi böhranSosial şəbəkələrdə yalan məlumat yayan şəxslərə xəbərdarlıq edilibBaş Prokurorluq vəzifəli şəxslərin qanunsuz əməlləri barədə məlumat yayıbFHN çimərliklərdən istifadəyə dair əhaliyə müraciət edibXudatda karantini pozaraq fəaliyyət göstərən çayxana aşkarlanıb