Ölkədə aqrar sığorta məhsullarının tətbiq ediləcəyi tarix açıqlanıb

Ölkədə aqrar sığorta məhsullarının tətbiq ediləcəyi tarix açıqlanıb
  • 8-02-2020, 01:21
  • 2 406 dəfə oxunub
Reklam

“Bu ilin iyun ayında heyvandarlıq məhsullarının, ilin sonunda isə bitkiçilik məhsullarının sığorta edilməsi prosesinə start veriləcək”.

Bunu “İqtisad.Org”a Kənd Təsərrüfatı Nazirliyi yanında Aqrar Kredit və İnkişaf Agentliyinin sədri Mirzə Əliyev deyib.

Onun sözlərinə görə, ölkədə aqrar sığortanın tətbiqi ilə bağlı Aqrar Sığorta Fondunun yaradılması prosesi tam yekunlaşıb: "Hazırda sığorta məhsullarının növləri və tarifləri ilə bağlı məsləhətləşmələr aparılır. Fermerlərin fikirləri öyrənilir. Eyni zamanda, aqrar sığorta bazarının həcmi araşdırılır. Yəni, bu sahədə mövcud olan risklər və tariflərin tənzimlənməsi məsələsi nəzərdən keçirilir”.

M.Əliyev qeyd edib ki, Siğorta Fondunun işlərinin əsas icrası ilə məşğul olan idarəedici şirkətin qurulması istiqamətində müvafiq məsləhətləşmələr aparılır: “Bütün bu proseslər Aqrar Siğorta Fondunun strukturu tərəfindən hazırlanır və mütəmadi olaraq müxtəlif nazirliklərin nümayəndələrindən ibarət olan Müşahidə Şurasına məruzə edilir və müvafiq dəstək verilir. Müşahidə Şurasında Azərbaycan Mərkəzi Bankın, Maliyyə Nazirliyinin, Kənd Təsərrüfatı Nazirliyinin, Fermerlər Assosiasiyasının nümayənədələri təmsil olunur”.

Qeyd edək ki, 2019-cu ilin iyununda aqrar sığorta ilə bağlı qanun qəbul edilib. 2019-cu ilin avqustunda isə Prezident İlham Əliyevin Fərmanı ilə Aqrar Sığorta Fondu yaradılıb. 2020-ci il üçün Aqrar Sığorta Fonduna dövlət büdcəsindən 5 milyon manat ayrılıb.

Xatırladaq ki, Nazirlər Kabinetinin qərarına əsasən bitkiçilik sahəsində ərzaq təhlükəsizliyinin gücləndirilməsi, ölkədə bitki yağları sənayesinin xammal təminatının idxal mənbələrindən asılılığının azaldılması, şəkər çuğunduru sahəsinin inkişafının dəstəklənməsi məqsədi ilə buğda, arpa, qarğıdalı, kartof, şəkər çuğunduru siğortalanacaq. Bununla yanaşı, idxalın əvəzedilməsi və ixrac potensialının gücləndirilməsi məqsədilə portağal, limon, naringi, çay, tütün, çəltik, üzüm, fındıq, pambıq siğortalancaq. Bununla yanaşı, heyvandarlıq sahəsində 1 yaşdan 7 yaşadək südlük inəklər və camışlar siğorta ediləcək. Suda yetişdirilən məhsullar üzrə akvakulturanın inkişafını stimullaşdırmaq, balıq məhsulları ilə təminatda yerli istehsalın xüsusi çəkisini artırmaq məqsədilə ilkin mərhələdə balıqların sığortası təmin ediləcək.


Ölkədə aqrar sığorta məhsullarının tətbiq ediləcəyi tarix açıqlanıb

FaceBook Şərh Yaz
Son Saatın Xəbərləri:
Atmosferə atılan 1 milyard kubmetr qaz əhalinin istifadəsinə verilibŞirkət rəhbərinin cinayət işi məhkəməyə göndərildiBakı sakini icarəyə götürdüyü avtomobilin səsboğucusunu satıbBu gün Azərbaycanın görkəmli simalarından olan Cavid Qurbanovun 62 yaşı tamam olur.Bakıda 18 yaşlı gənci tok vuraraq öldürdüZakir Həsənov düşmən təxribatlarının qarşısının alınması barədə əmr veribTofiq Yaqubluya qan köçürülübQvineya prezidenti naziri küçədə döydüBeş nəfərin ölümünə səbəb olanların cinayət işi ilə bağlı yenilik varErmənistan ordusunun hərbçisi öldüTürkiyə üçün tarixi gün: koronavirus peyvəndi vurulacaqMilli Məclis bu şəxslərə maaş verəcəkBarəsində araşdırma aparılan deputatın vəzifələri müəyyənləşibƏli Əhmədov Tofiq Yaqubludan yazdıAzərbaycanda sənədləri saxtalaşdıran şəxs Almaniyada tutulduGələn ilin dövlət büdcəsi layihəsi Hesablama Palatasına təqdim olunubBilik Günü tribunadan yıxılan şəxsin səhhəti necədir?Kür çayı yenə quruyur, problemlər artırHeydər Əliyev Fondunun inşa etdiyi məktəblərin açılışı olubSamir Nuriyev Korrupsiyaya qarşı mübarizə üzrə Komissiyanın sədri seçilibVergi ödəyicilərinin əvvəlcədən onlayn növbə tutmaqla qəbuluna başlanılırBaş Prokurorluq: Sağ qadınların ölməsi barədə sənəd hazırlayanlara cinayət işi açılıb