Türkiyədən Çinə ixrac yükü daşıyan ilk konteyner qatarı Bakı Limanına çatıb

Türkiyədən Çinə ixrac yükü daşıyan ilk konteyner qatarı Bakı Limanına çatıb
  • 11-12-2020, 00:27
  • 77 dəfə oxunub
Reklam

Türkiyə istehsalı olan məhsullarla yüklənmiş, bu ölkənin İstanbul şəhərindən Çinin Sian şəhərinə hərəkət edən ilk konteyner qatarı bu gün Bakı Beynəlxalq Dəniz Ticarət Limanına çatıb.
Ümumilikdə 8 693 kilometr yol qət edəcək qatar artıq Azərbaycan paytaxtından Qazaxıstanın Aktau limanına istiqamətlənib.
Hər biri 40 futluq olmaqla ümumilikdə 42 konteynerdən ibarət və məişət texnikası daşıyan konteyner qatarı Türkiyə daxilində İstanbul (Marmaray)–Köseköy–Ankara–Sivas-Qars dəmir yolu xətti ilə hərəkət edərək, Gürcüstanın Axalkalaki stansiyasında ölkə xaricindəki nəqliyyat şəbəkəsinə qoşulub, daha sonra isə Bakı-Tbilisi-Qars dəmir yolu xətti ilə hərəkət edib.
Qatarın operatoru Transxəzər Beynəlxalq Nəqliyyat Konsorsiumunun üzvləri – "Pasifik Eurasia Logistics" (Türkiyə), "GR Logistics" (Gürcüstan), "ADY Konteyner" (Azərbaycan) və "KTZ Express" (Qazaxıstan) şirkətləridir.
Yük karvanı Bakı Limanından Aktau limanına operatoru “ADY Konteyner” MMC olan “Beket Ata” fider gəmisi vasitəsilə çatdırılacaq. Qatar təyinat məntəqəsi olan Siana ümumilikdə 2 qitə, 2 dəniz və 5 ölkə keçərək çatacaq. Bu qatarlar 2021-ci ildən başlayaraq, ayda iki dəfə olmaqla müntəzəm olaraq hərəkət edəcəklər.
Layihəni “Azərbaycan Dəmir Yolları” və “Bakı Beynəlxalq Dəniz Ticarət Limanı” QSC-lərin “Transxəzər Beynəlxalq Nəqliyyat Marşrutu” Beynəlxalq Assosiasiyası çərçivəsində uğurlu əməkdaşlığının nəticəsi hesab etmək olar. Bu il "Transxəzər"lə dəniz üzərindən fider gəmiləri ilə ümumilikdə 11 680 TEU konteyner daşınıb.

FaceBook Şərh Yaz
Son Saatın Xəbərləri:
Azərbaycanda nazirliyin vəzifəli əməkdaşı COVID-19-dan vəfat edibMillimizin oyununa türk hakim təyinat aldıQazi Sahil Həsənli yüksək texnologiyalı protezlə təmin ediləcəkƏrdoğan: "Biz boynunda əsarət zənciri gəzdirəcək millət deyilik"Hacıqabulda yeni məktəb tikiləcək - SƏRƏNCAMSPrezident Hacıqabulda yol tikintisinə 5 milyon manat ayırdıBakıda xadimə işlədiyi evdən 45 min manat oğurladıBakıda taksi sürücüsünə qarşı quldurluq edənlərin məhkəməsi başlayırMilli Məclisin deputatı məcburi köçkünlərin qayıdışı məsələsini AŞPA-da qaldırıbOmbudsman DTX-nin müvəqqəti saxlama yeri və istintaq təcridxanasına baş çəkibAzərbaycanın 5 rayonunda kənd yolları yenidən qurulurAzərbaycanın icmal büdcəsində 1 milyard manatdan çox qalıq yaranıbQusarda polis əməliyyat keçirdi, saxlanılan varATV cərimələndi, "Bizimləsən" verilişinin yayımı 1 günlük dayandırıldıZakir Həsənov hərbi liseyin bir qrup əməkdaşını mükafatlandırıbQazi və şəhid ailələrinə yardım mərkəzləri fəaliyyətə başlayıb - SİYAHIRüşvətə görə həbs edilən icra başçısının əmlakına həbs qoyulubPrezident Hacıqabul rayonuna səfərə gedibHəbs edilən icra başçısının məhkəməsi başlayırAğsuda əlillik dərəcəsi vədi ilə dələduzluq edən şəxs saxlanıldıAzərbaycanın kimyaçı alimi vəfat edibHəyətində narkotik becərən şəxs saxlanıldı