"Fermerin ən çox üzləşdiyi problem satış yeridir"

  • 15-09-2018, 00:46
  • 157 dəfə oxunub
Reklam

Bakı Biznes Mərkəzində İqtisadiyyat Nazirliyinin dəstəyi və Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə İxracatçılar Klubunun növbəti iclası keçirilib.



İqtisadiyyatın müxtəlif sahələrində fəaliyyət göstərən 50-ə yaxın şirkətin nümayəndəsinin iştirak etdiyi tədbirdə Kənd Təsərrüfatı Nazirliyinin tabeliyində olan “Dövlət Aqrar Ticarət Şirkəti” MMC-nin fəaliyyət istiqamətləri barədə təqdimat keçirilib, İxracatçılar Klubu və “Dövlət Aqrar Ticarət Şirkəti” MMC arasında əməkdaşlıq istiqamətləri müzakirə olunub.



Dövlət Aqrar Ticarət Şirkətinin direktoru Leyla Məmmədova Şirkətin fəaliyyəti və “Kənddən Şəhərə” layihəsi barədə təqdimatla çıxış edib. O, rəhbərlik etdiyi qurumun əsas məqsədinin fermerlərin məhsullarının ölkə daxilində və xaricində satışını həyata keçirmək olduğunu diqqətə çatdırıb:



"Fermerlərin hər zaman ciddi şəkildə dəstəyə ehtiyacları var. Bizim məqsədimiz, xüsusilə, kiçik və orta fermer təsərrüfatı sahiblərinin məhsullarının satışına dəstək göstərmək, onların müraciətlərinə əsasən müştəri tapmaqdır. Bizə müraciət edən bütün fermerlərə lazımi köməyi göstərməyə çalışırıq. Yeni yarandığımız üçün hazırda fəaliyyətimizi əsasən ölkə daxilində satış imkanlarının artırılması istiqamətinə yönəltmişik. Paralel olaraq mümkün xarici bazarların da araşdırmasını aparırıq.”



Üç aylıq fəaliyyəti dövründə Şirkət nümayəndələrinin regionlarda fermerlərlə görüşdüyünü, onların qarşılaşdıqları problemlərlə yerində maraqlandıqlarını diqqətə çatdıran Leyla Məmmədova Şirkətə edilən müraciətlərin böyük qisminin müsbət həllini tapdığını bildirib:



“Bu müddət ərzində 150-dən çox fermerlərlə görüşmüşük. 200-dən artıq müraciət daxil olub. Daxil olan müraciətlərin təxminən 70 faizinin, daha dəqiq desək 138 müraciətin müsbət həllinə nail olmuşuq. Bu istiqamətdə fəaliyyətimizi artan templə davam etdirmək əzmindəyik.”



Kiçik və orta fermer təsərrüfatı sahiblərinin ən çox üzləşdiyi problemin məhsul satışını həyata keçirəcəkləri yerlə bağlı olduğunu deyən Leyla Məmmədova bu gün təqdimatı gerçəkləşən “Kənddən şəhərə” layihəsinin bu problemin azaldılması üçün bir addım olacağını bildirib:



“Bu gün təqdimatını etdiyimiz “Kənddən şəhərə” layihəsinin tərkib hissəsi olaraq şəhərin müxtəlif məkanlarında kənd təsərrüfatı məhsullarının satılacağı mağazalar şəbəkəsi istifadəyə veriləcək. İlk belə mağazanın açılışı oktyabr ayının sonlarında baş tutacaq. Mağaza həm kiçik və orta fermer təsərrüfatı sahiblərinin məhsullarının satışına, həm də əhalinin keyfiyyətli və təbii məhsullarla təmin olunmasına xidmət edəcək.”



Görüşdə iştirak edən sahibkarlar Dövlət Aqrar Ticarət Şirkətinin yaranmasının onların da fəaliyyətinə bir təkan olacağını və qarşılıqlı əməkdaşlığa hazır olduqlarını bildirib, Şirkətin fəaliyyətinə uğurlar arzulayıb.



Görüş qarşılıqlı fikir mübadiləsi ilə davam etdirilib.

"Fermerin ən çox üzləşdiyi problem satış yeridir"

FaceBook Şərh Yaz
Son Saatın Xəbərləri:
Təhsil naziri: "Xüsusilə ibtidai sinif şagirdləri üçün dərsliklərin həftəlik dərs yükü çoxdur"Prezident İlham Əliyev ATƏT-in Minsk qrupunun həmsədrlərini qəbul edibBu gün dünyanın diqqəti Ankarada olacaqXəzər dənizi hövzəsində “yaşıl liman” adını qazanan ilk Bakı Limanı olubLatviyanın sabiq prezidenti Azərbaycana gələcəkNazir: "Gələn il Azərbaycanda 130 minə yaxın şəxsin işə düzəlməsi təmin olunacaq"Kür çayının Neftçaladan keçən hissəsi qadağan olunmuş ov vasitələrindən təmizlənibKİV: Klinsmann Ekvador yığmasının baş məşqçisi olacaqPKK tərəfdarları Almaniyanın türk əslli vətəndaşını bıçaqlayıblar"YouTube" videohostinqin işində nasazlıq yaranıbYaponiyada “Haqibis” qasırğası qurbanlarının sayı 77 nəfərə çatıbMDB-də sosial müdafiə üzrə Məşvərət Şurasına sədrlik Azərbaycana keçibGürcüstanda azərbaycanlıların yığcam yaşadığı qəsəbədə əməliyyat keçirilib, 1 qadın saxlanılıbAzərbaycanda beş rayonun qaz təchizatında fasilələr olacaqNazirlik: Azərbaycanda işarət dili ünsiyyət dili kimi rəsmi şəkildə tanınacaqAzərbaycan neftinin qiyməti 64 dollara yaxınlaşıbMN: Azərbaycan Ordusunun mövqeləri minaatanlardan atəşə tutulubSahil Babayev gələn il sosial müdafiəyə ayrılacaq vəsaitin məbləğini açıqlayıbTürkiyə ordusu "Barış pınarı" əməliyyatı çərçivəsində 653 terrorçunu zərərsizləşdiribFilippində güclü zəlzələ olub, ölənlər və xəsarət alanlar varABŞ-ın vitse-prezidenti və dövlət katibi Türkiyəyə səfərə yola düşüblərMinsk qrupunun həmsədrləri Dağlıq Qarabağa gəliblər