"Yazılanlar böhtandır" - DÖVLƏT KOMİTƏSİ TƏCİLİ AÇIQLAMA YAYDI

  • 16-09-2018, 00:59
  • 244 dəfə oxunub
Reklam

Əmlak Məsələləri Dövlət Komitəsi, “Ayaz Mütəllimov İlham Əliyevə müraciət etdi: Foyemi əlimdən alırlar” başlıqlı yazı ilə bağlı təcili məlumat yayıb.



Komitədən Iqtisad.Org a daxil olmuş açıqlamada deyilir:



-Son günlər saytlarda yer almış “Ayaz Mütəllimov İlham Əliyevə müraciət etdi: Foyemi əlimdən alırlar” başlıqlı yazıda heç bir araşdırma aparmadan, aidiyyəti qurumlarla əlaqə saxlamadan və məsələ ilə bağlı məlumat almadan yanlış və həqiqətə uyğun olmayan məlumatlar öz əksini tapmışdır. Belə ki, yazıda Bakı şəhəri Qurban Xəlilov, 5 ünvanında yerləşən çoxmərtəbəli binanın sakinlərinin ümumi istifadədə olan foyesinin sənədləşdirilməsi və dövlət reyestrindən çıxarışın verilməsi kimi məlumatlar yerləşdirilib. Əmlak Məsələləri Dövlət Komitəsi bildirir ki, qeyd edilən yazılar hazırlanarkən komitədən heç bir məlumat alınmamış və münasibət öyrənilməmişdir.



Əmlak Məsələləri Dövlət Komitəsi məsələ ilə bağlı aşağıdakıları bildirir:



Belə ki, Bakı şəhəri, Yasamal rayonu, Q.Xəlilov küçəsi 5 ünvanında yerləşən, ümumi sahəsi 9736.6 kv.m olan 16 mərtəbəli bina üzərində “Turanlılar KO” LTD şirkətinin mülkiyyət hüququ qeydiyyata alınaraq, onun adına 26 noyabr 1999-cu il tarixli qeydiyyat vəsiqəsi verilmişdir.



Binanın 9308 kv.m hissəsi 4 avqust 2000-ci il tarixli notarial qaydada təsdiq edilmiş alqı-satqı müqaviləsi əsasında “Turanlılar KO” LTD şirkəti tərəfindən tam xarici investisiyalı “Tapet Oil Gas Co LTD” Məhdud Məsuliyyətli Müəssisəyə satılmışdır. Həmin alqı-satqı müqaviləsi əsasında “Tapet Oil Gas Co LTD” MMM-nin mülkiyyət hüququ qeydiyyata alınmış və 6 sentyabr 2000-ci il tarixli qeydiyyat vəsiqəsi ilə rəsmiləşdirilmişdir.



Binada yerləşən mənzillər və qeyri-yaşayış sahələri müxtəlif vaxtlarda “Tapet Oil Gas Co LTD” MMM tərəfindən ayrı-ayrı şəxslərə satılmışdır.



Sonradan “Tapet Oil Gas Co LTD” MMM satılmış mənzillər və qeyri-yaşayış sahələri çıxılmaq şərti ilə binanın yerdə qalan hissəsinə öz adına dövlət reyestrindən çıxarışın alınması üçün Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinə müraciət etmişdir.



Hüquqi şəxsin həmin müraciətə əlavə etdiyi notarial qaydada təsdiq edilmiş ərizəsi nəzərə alınaraq, binanın ümumi istifadədə olan 144.3 kv.m hissəsi (dəhliz, lift, pilləkən qəfəsi) istisna olmaqla, yerdə qalan 189.8 kv.m üzərində “Tapet Oil Gas Co LTD” MMM-nin mülkiyyət hüququ 4 oktyabr 2016-cı il tarixli, 1116066723 qeydiyyat nömrəli dövlət reyestrindən çıxarış və texniki pasportla rəsmiləşdirilmişdir.



Qeyd edilməlidir ki, çoxmənzilli binaların ümumi istifadədə olan hissələrinin sənədləşdirilməməsi ilə bağlı məsələ Əmlak Məsələləri Dövlət Komitəsi tərəfindən nəzarətdə saxlanılır.



Əmlak Məsələləri Dövlət Komitəsi bildirir ki, qeyd edilən yazılar bəzi qərəzli şəxslərin məqsədyönlü şəkildə komitənin hüquqi fəaliyyətinə kölgə salmaq məqsədini daşıyır. Belə böhtan xarakterli məqalələr təxribatçılıq yaratmaq, komitənin iş fəaliyyətini pozmaq, komitə haqqında mənfi ictimai rəy yaratmaq məqsədi daşıyır. Qeyd edilməsi vacibdir ki, belə məqalələrdə iddia olunan “faktlar” araşdırılmadan yayılmış və komitənin münasibəti öyrənilməmişdir.

"Yazılanlar böhtandır" - DÖVLƏT KOMİTƏSİ TƏCİLİ AÇIQLAMA YAYDI

FaceBook Şərh Yaz
Son Saatın Xəbərləri:
DSX hava limanında 2 elektron qapı quraşdırıbBu il Azərbaycanda 39 hakim barəsində intizam icraatı başlanılıbHeydər Əliyev- xalqın ehtiram ünvanı - MƏQALƏXaçmaz DAİM - də işlər uğurla həyata keçirilir.Azərbaycanda Rusiya ilə ortaq dərman istehsalı müəssisəsi açılıbƏrdoğan: "Suriyanın şimalında məcburi köçkünlər üçün yaşayış məntəqələrinin inşasına başlamışıq"ABŞ Serbiya və Venesuela vətəndaşlarına sanksiya tətbiq edibKürdəmirdə “Azərişıq” ASC-nin əməkdaşını cərəyan vurub öldürübGürcüstanda "donuz qripi"nə yoluxma halı qeydə alınıbBaş Nazir dövlət bayrağı haqqında qanunun tətbiqi ilə bağlı sərəncam imzalayıbBu ilin əvvəlindən dünyada 1 trilyon dollar rüşvət verilibAzərbaycan Prezidenti Vladimir Zelenskiyə başsağlığı veribPrezident İlham Əliyev Yeni Suraxanı qəsəbəsində yolların təmirinə 7,8 milyon manat ayırıbARDNF-nin Müşahidə Şurasının yeni tərkibi təsdiqlənibAlmaniya deportasiya xərclərini tələb edəcəkAzərbaycan və Rusiya arasında yeni sənədlər imzalanıbAzərbaycanın ixrac missiyası DubaydadırAzərbaycan Ordusunda “İlin ən yaxşı psixoloqu” müəyyənləşibRusiyalı nazir: "Azərbaycanla Rusiya arasındakı münasibətlər möhkəm iqtisadi bünövrəyə malikdir"Ərdoğan Fransa prezidentini tənqid edib: "Qarşımda susur"Rusiya olimpiadalarda və dünya çempionatlarında çıxış etmək hüququndan məhrum olunubAzərbaycan Mərkəzi Bankı uçot dərəcəsini növbəti dəfə endirə bilər