Bakının Mərkəzi rayonu yaradıla bilər - PREZİDENT TƏKLİFİ BƏYƏNİB

Bakının Mərkəzi rayonu yaradıla bilər - PREZİDENT TƏKLİFİ BƏYƏNİB
  • 5-03-2019, 02:22
  • 69 dəfə oxunub
Reklam

Dövlətimizin başçısı Bakının tarixi mərkəzinin sərhədlərinin müəyyənləşdirilməsinə dair təklifimə çox həssaslıqla yanaşdı, operativ reaksiya verdi.

Bu sözləri Azərbaycan Memarlar İttifaqının idarə heyətinin sədri Elbay Qasımzadə martın 1-də Prezident İlham Əliyev və birinci xanım Mehriban Əliyevanın mədəniyyət və incəsənət xadimlərinin bir qrupu ilə görüşünün əhəmiyyətini şərh edərkən deyib.

Tanınmış memar bildirib ki, ölkəmizin yeni inkişaf mərhələsinə qədəm qoyduğu, bütün sahələrdə çox ciddi islahatlar aparıldığı bir vaxtda belə görüşün keçirilməsi mühüm əhəmiyyət daşıyır. Prezident İlham Əliyev görüş iştirakçılarının fikirlərini və təkliflərini diqqətlə dinlədi, bir sıra məsələlərin həlli ilə bağlı yerindəcə tapşırıqlar verdi.

Bakının tarixi mərkəzinin sərhədlərinin müəyyənləşmədiyini deyən Elbay Qasımzadə görüşdə bu məsələ ilə bağlı təklifə Azərbaycan Prezidentinin müsbət reaksiyasının paytaxtın tarixi memarlığının qorunması baxımından önəmini diqqətə çatdırıb:

“Bakının tarixi mərkəzi bu gün Səbail, Yasamal, Nəsimi və Nərimanov rayonları olmaqla dörd rayon arasında bölünüb. Burada aparılan təsərrüfat fəaliyyəti, abadlıq və inşaat işləri mərkəzdən nə dərəcədə idarə olunsa da, yerli idarəetmə qurumlarının bir-birindən fərqli yanaşmalarına məruz qalır. Bu çatışmazlığı aradan qaldırmaq məqsədilə Bakının tarixi mərkəzinin sərhədləri dəqiq müəyyənləşdirilməli və təsdiqlənməlidir. Təyin olunmuş sərhədlər daxilində Bakı şəhərinin Mərkəzi rayonu adlandırılan yerli idarəetmə inzibati-ərazi vahidi təşkil olunması bu ərazidə aparılan hər hansı bir fəaliyyət növünə daha ciddi, daha böyük tələbkarlıqla şərtlər və qaydalar tətbiq edilməsinə imkan yaradacaq. Ölkə başçısı bu təklifi bəyəndi və görüşün gedişində müvafiq qurumlara bununla bağlı tapşırıqlar verdi. Prezident şəhərin mərkəzinin hüdudlarının dəqiq müəyyən olunmasının, vahid idarəetmə sisteminin vacibliyini qeyd etdi”.

Elbay Qasımzadə vurğulayıb ki, tarixi irsimiz olan və XIX əsrin sonunda - XX əsrin əvvəlində yaranmış Bayır şəhər və Aşağı şəhər anlayışları kimi qəbul olunan Bakı mərkəzinin qorunub saxlanılması üçün bu, olduqca vacibdir.


Bakının Mərkəzi rayonu yaradıla bilər - PREZİDENT TƏKLİFİ BƏYƏNİB

FaceBook Şərh Yaz
Son Saatın Xəbərləri:
Bakıda 50 ədəd kömür kisəsi yanıbNaxçıvan Qarnizonunda komanda-qərargah təlimi keçirilibTürkiyə ordusunun 3 əsgəri şəhid olubAzərbaycan adından texniki yardım və qrant alan qurumlar hesabat verəcəkSabah 35 dərəcəyədək isti olacaqRusiyada meşə yanğınlarının sahəsi genişlənibABŞ-da ilk sualtı kitabxanalar yaradılıbİsrailin 4 qırıcısı Livanın hava məkanına daxil olubGömrükçülər ölkəyə qanunsuz mobil telefon gətirilməsinin qarşısını alıbTürkiyə İraqın şimalında yeni hərbi əməliyyata başlayıbAzərbaycan nefti 1 dollardan çox ucuzlaşıb“Azəriqaz” qeyri-iş günlərində smart kartların verilməsi istiqamətində operativ xidmət göstərəcəkŞəki və Xızıda yanğınlar söndürülübHirkan Milli Parkının ərazisində yanğın tam söndürülübErməni tərəfi snayper tüfənglərindən də istifadə etməklə atəşkəsi 19 dəfə pozubAzərbaycan ilk dəfə olaraq akrobatika üzrə dünya çempionatına ev sahibliyi edəcəkABŞ rəhbəri Çinlə danışıqlara hazır olduğunu bildiribXəzərdə zəlzələ olubCənubi Koreya KXDR-i yarımadada gərginliyi artırmamağa çağırıbAzərbaycanda separatçılığı təbliğ edən şəxs Rusiyada saxlanılıbŞəkinin Aşağı Göynük-Baş Göynük və digər kəndlərində meşə yanğınları baş verir. - YANĞIN DAVAM EDİR.Yunanıstanda sığınacaq verilməsinə dair rəsmi işlər sadələşdiriləcək