Marketlər meyvəni ucuz satmaq əvəzinə bahalaşdırıb zibilliyə atır?

Marketlər meyvəni ucuz satmaq əvəzinə bahalaşdırıb zibilliyə atır?
  • 26-07-2019, 14:12
  • 242 dəfə oxunub
Reklam

Vətəndaşlar mövsümi meyvə-tərəvəzin qiymətlərinin baha olması ilə bağlı günlərdir şikayət edirlər. Sosial şəbəkələrdə bəzi müştərilər bildirir ki, böyük marketlər meyvə-tərəvəzi baha qiymətə təklif edir, amma alıcı tapa bilmir. Belə olduqda məhsullar xarab olaraq tullantı kimi atılır. Sosial şəbəkə istifadəçiləri təklif edir ki, məhsul ucuzlaşdırılsın, nəticədə həm mağaza, həm də müştərilər qazansın.

Məsələ ilə bağlı “Araz” supermarketin ictimaiyyətlə əlaqələr üzrə məsul şəxsi Billurə Əmirova “İqtisad.Org”a bildirib ki, onlar müştəri məmnuniyyətini düşünür: “Bizim istəyimiz meyvə-tərəvəzi baha qiymətə təklif edib vitrində xarab etmək yox, məhsulları bazar qiymətinə təklif edib müştərilərimizin üzünü güldürməkdir. Biz günlük bazar qiymətlərini monitorinq edirik və öz qiymətlərimizi də ona görə tənzimləyirik. Yəni, adıçəkilən məhsullar bazar qiymətinə satılır”.

“Bazar store” supermarketlər şəbəkəsinin ictimaiyyətlə əlaqələr və marketinq şöbəsinin müdiri Günay Novruzqızı təmsil etdiyi supermarketdə meyvə-tərəvəzin qiymətinin baha olmadığını bildirib: “Müştərilərimiz də qiymətlərdən narazı deyil. Ümumiyyətlə, meyvə-tərəvəzlərin ən yaxşı satıldığı yerlərdən biri də “Bazar store”dur. Bizim qiymətlərin bazar qiymətindən fərqli olmasının səbəbləri var. Birincisi, insanlar rahat alış-veriş edir, başına gün döymür, rahat araba ilə mağazanın içində gəzir, çəkidə aldadılmır. Həftəsonu meyvə-tərəvəzin qiyməti bazar qiymətlərindən də ucuz olur deyə, hamı gəlib bizdən alır. Çox cüzi meyvə-tərəvəz xarab olur. Onu da heyvan saxlayan fermalara veririk. Belə baxanda məhsul bazarda da xarab olur”.

“Bizim market” şəbəkəsindən isə "İqtisad.Org"a bildirilib ki, marketlərdəki qiymətlər meyvə-tərəvəz mağazalarındakı qiymətlərdən ucuzdur: “Bütün supermarketlərdə qarşılıqlı rəqabət səbəbindən qiymətlər aşağı olur. Məhsulların xarab olmasına gəlincə meyvə-tərəvəzin ömrü çox olmadığına görə içində yararsız olanlar da olur. Gündəlik tələbata uyğun sifariş veririk deyə, məhsul xarab olması halı baş vermir. Ümumilikdə yüksək qiymətlərə qarşıyıq”.


Marketlər meyvəni ucuz satmaq əvəzinə bahalaşdırıb zibilliyə atır?

FaceBook Şərh Yaz
Son Saatın Xəbərləri:
Təhsil naziri: "Xüsusilə ibtidai sinif şagirdləri üçün dərsliklərin həftəlik dərs yükü çoxdur"Prezident İlham Əliyev ATƏT-in Minsk qrupunun həmsədrlərini qəbul edibBu gün dünyanın diqqəti Ankarada olacaqXəzər dənizi hövzəsində “yaşıl liman” adını qazanan ilk Bakı Limanı olubLatviyanın sabiq prezidenti Azərbaycana gələcəkNazir: "Gələn il Azərbaycanda 130 minə yaxın şəxsin işə düzəlməsi təmin olunacaq"Kür çayının Neftçaladan keçən hissəsi qadağan olunmuş ov vasitələrindən təmizlənibKİV: Klinsmann Ekvador yığmasının baş məşqçisi olacaqPKK tərəfdarları Almaniyanın türk əslli vətəndaşını bıçaqlayıblar"YouTube" videohostinqin işində nasazlıq yaranıbYaponiyada “Haqibis” qasırğası qurbanlarının sayı 77 nəfərə çatıbMDB-də sosial müdafiə üzrə Məşvərət Şurasına sədrlik Azərbaycana keçibGürcüstanda azərbaycanlıların yığcam yaşadığı qəsəbədə əməliyyat keçirilib, 1 qadın saxlanılıbAzərbaycanda beş rayonun qaz təchizatında fasilələr olacaqNazirlik: Azərbaycanda işarət dili ünsiyyət dili kimi rəsmi şəkildə tanınacaqAzərbaycan neftinin qiyməti 64 dollara yaxınlaşıbMN: Azərbaycan Ordusunun mövqeləri minaatanlardan atəşə tutulubSahil Babayev gələn il sosial müdafiəyə ayrılacaq vəsaitin məbləğini açıqlayıbTürkiyə ordusu "Barış pınarı" əməliyyatı çərçivəsində 653 terrorçunu zərərsizləşdiribFilippində güclü zəlzələ olub, ölənlər və xəsarət alanlar varABŞ-ın vitse-prezidenti və dövlət katibi Türkiyəyə səfərə yola düşüblərMinsk qrupunun həmsədrləri Dağlıq Qarabağa gəliblər