Kimlər qurban kəsməlidir? - QURBAN HAZIRLIQLARI

Kimlər qurban kəsməlidir? - QURBAN HAZIRLIQLARI
  • 9-08-2019, 02:07
  • 11 dəfə oxunub
Reklam

Azərbаycаnda Qurban bayramı Qafqaz Müsəlmanları İdarəsinin (QMİ) Qazılar Şurasının verdiyi fətvaya uyğun olaraq, avqustun 12-13-də qeyd ediləcək. Qurban bayramının namazı isə avqustun 12-si səhər saatlarından etibarən məscidlərdə qılınacaq.

Hər il olduğu kimi, bu bayram günündə də müsəlmanlar qurbanlıq heyvanlar kəsəcəklər.

Bəs heyvan kəsimi zamanı diqqət edilməli məqamlar nələrdir?

Qafqaz Müsəlmanları İdarəsinin (QMİ) axundu, ilahiyyatçı hacı Fəxri Sadiqov açıqlamasında qurbanlıq heyvanın necə seçilməsi və kəsilməsi qaydalarından danışıb.

O bildirib ki, qurban kəsmək əsasən Məkkədə Həcc ziyarətində olan zəvvarlara vacibdir: “Digər yerlərdə isə imkanlı adamların qurban kəsmələri müsəlmanın öhdəsində olan müstəhəb əməllərdən hesab olunur. Qurbanı fərdi və ya müştərək qaydada da kəsmək olar. Yaxşı olar ki, xırdabuynuzlu heyvan fərdi qaydada, iribuynuzlu heyvanı həm fərdi, həm də müştərək qaydada kəsilsin. Müştərək qaydada kəsilən qurbanlıqda kəsilmə və bölünmədə müsəlmanlar şəriət prinsiplərindən kənar çıxmamalıdırlar”.

F.Sadıqov əlavə edib ki, qurbanlıq heyvanın erkək olması daha bəyənilir, amma dişi olsa da, olar: “Qurbanlıq heyvan hər şeydən öncə sağlam və nöqsansız olmalıdır. Kor, şikəst, axtalanmış, buynuzu qırılmış və ya hər hansı bədən üzvündə eyib olan heyvanı qurban kəsmək olmaz. Qoyun, təqribən, 1 yaşına yaxın kəsilməlidir. İribuynuzlu heyvanlar isə 2 yaşına kimi kəsilə bilər. Qurbanlıq üzü qibləyə kəsilməli və kəsənin müsəlman olması vacibdir. Yaxşı olar ki, bayram namazı qılınandan sonra qurban kəsilsin. Qurbanlıq heyvan, şəriət qaydalarına uyğun olaraq kəsilərkən “Bismillаhi və billəhi vəllаhu əkbər” deyilməlidir. Qurbаn duаsının охunması məsləhətdir. Qurbanların azyaşlı uşaqların, habelə heyvanların gözü qarşısında kəsilməsi tövsiyə edilmir”.

“Qurbanı kəsəndən sonra onun ətinin bölünməsi məsələsi də şəriət qanunlarına uyğun olmalıdır”- deyən QMİ axundu bildirib ki, hədislərə görə, qurbanlıq əti üç hissəyə - Qurban kəsənin ailə üzvlərinin payı, qohum-əqrəbadan olan ehtiyaclıların payı və qohum olmayan qonşu və ətrafdan olan ehtiyaclı müsəlmanın payına bolünməlidir.

Qeyd edək ki, bayram günlərində Azərbaycan Qida Təhlükəsizliyi Agentliyi, Kənd Təsərrüfatı və Daxili İşlər nazirlikləri əhalinin təhlükəsiz ət və ət məhsulları ilə təmin edilməsi istiqamətində həyata keçirilən tədbirlərin miqyasını genişləndirib.

Qurban bayramı ilə bağlı hər üç qurum gücləndirilmiş iş rejimində fəaliyyət göstərəcək. Bayram günlərində heyvan kəsiminin müvafiq qaydada həyata keçirilməsini təmin etmək üçün respublika üzrə 44 stasionar və 30 çadır tipli kəsim məntəqəsi vətəndaşların ixtiyarına veriləcək.

Bayram günlərində sağlamlığı şübhə doğuran heyvanlarla bağlı, eyni zamanda, küçə və yol kənarlarında antisanitar şəraitdə heyvan kəsimi və satışı müşahidə olunduqda Daxili İşlər Nazirliyinin “102” Xidməti - Zəng Mərkəzinə, Qida Təhlükəsizliyi Agentliyinin 1003 “Çağrı Mərkəzi”nə, Kənd Təsərrüfatı Nazirliyinin isə 1652 “Çağrı Mərkəzi”nə zəng edib məlumat vermələri xahiş olunur.


Kimlər qurban kəsməlidir? - QURBAN HAZIRLIQLARI

FaceBook Şərh Yaz
Son Saatın Xəbərləri:
Ərdoğan Trampın yazdığı təhqiredici məktubu özünə qaytarıb“Facebook” 3 milyarddan çox saxta hesabı silibAzərbaycanlı deputatlar Belarusda parlament seçkilərini müşahidə edəcəklərDələduzluqda təqsirləndirilən "makler" məhkəmə zalında həbs edilibPrezident İlham Əliyev “Heydər Əliyev” ordenini Şeyxülislam Allahşükür Paşazadəyə təqdim edibPalata: Banklar bu ilin 9 ayında 7 milyard manat kredit veribAzərbaycanda istilik xidməti üzrə yığım səviyyəsi 90-100% civarındadırBir qrup şəhid ailəsi və müharibə əlilinə mənzil verilibUEFA “Qarabağ”a 1 milyon 460 min manat ödəyibDSMF-nin iki rayon şöbəsinin müdirləri barəsində cinayət işi başlanıbDeputat: "Müsavat Partiyası Azərbaycanın adına ləkə gətirəcək "miqrant alveri"lə bağlı ictimaiyyətə açıqlama verməlidir"Qida Təhlükəsizliyi İnstitutu işə qəbul üçün vakansiya elan edibQazaxa yeni DYP rəisi təyin olunubBakıda sahibkarların maliyyə bazarlarına çıxışına həsr olunmuş forum keçirilirAzərbaycanlı mühacir Fransada saxlanılıbAzərbaycanda birdəfəlik şprislərlə bağlı yeni standart təsdiqlənibİrandan Azərbaycana 25 kq narkotik gətirilməsinin qarşısı alınıb, saxlanılan varMaliyyə Nazirliyinin kollegiyasının tərkibi təsdiqlənibLionel Messi: "Karyeramda yalnız bir dəfə rəqib futbolçudan forma istəmişəm"Azərbaycan nefti ucuzlaşıbAlmaniyada "miqrant alveri"nə görə Azərbaycanın 7 vətəndaşı barəsində həbs qətimkan tədbiri seçilib - SİYAHINazir: “Tezliklə daha iki Dost Mərkəzi istifadəyə veriləcək"