Qurban Qurbanov: "Biz rəqib imkan verdiyi qədər hücum edirik"

Qurban Qurbanov:
  • 2-09-2019, 01:46
  • 17 dəfə oxunub
Reklam

Azərbaycan Premyer Liqasının III turunun son qarşılaşmasında “Səbail” üzərində səfərdə 4:0 hesablı qələbə qazanan “Qarabağ”ın baş məşqçisi Qurban Qurbanov mətbuat konfransı keçirib.

"İqtisad.Org" xəbər verir ki, təcrübəli mütəxəssis əvvəlcə oyun haqqında fikirlərini bölüşüb:

Futbolçularımı təbrik edirəm. Həm qalib gəldik, həm də yaxşı oyun oldu. Oyunçularım çox istəkli idilər. Aftandil Hacıyevə qarşıdakı oyunlarda uğurlar arzulayıram. Rəqib ilk dəqiqələrdə aqressiv idi, yaxşı pressinq tətbiq edirdi.

Sabiq qapıçınız İbrahim Şehiçin keçidi nə yerdədir?

- Razılıq yoxdur. Klubla müqaviləsi mövcuddur. Başqa variantlar var. Hazırda danışıqlar gedir.

Başqa mövqeyə də transfer gözlənilir?

- Daha iki mövqeni gücləndirmək istəyirik.

Oyunun ilk dəqiqələrində Ağabala Ramazanov futbolçularınıza qarşı çox aqressiv idi. Nə fikirləşdiniz?

- Heç bir şey. Ağabala aqressiv futbolçudur.

1:0, 3:0, 4:0. “Qarabağ”ın müdafiə xətti belə güclüdür, yoxsa Azərbaycan çempionatındakı komandaların hücum potensialı aşağıdır?

- Futbolçularımız səliqəli oynayır, tapşırıqları yerinə yetirirlər. Bu gün qol buraxmırıq, deyirik müdafiəmiz əzəmətlidir, sabah bir neçə qol buraxacağıq və deyiləcək ki, zəifdir müdafiəmiz. Sadəcə, hər oyuna maksimal konsentrasiya ilə yanaşmalıyıq. Amma qol buraxmamağımız məni sevindirir.

Yaranan fasilə komandanıza necə təsir göstərəcək?

- Düşünürəm ki, millilərə getməyən futbolçularıma müsbət təsir edəcək. Ancaq milli üzvləri ağır oyunlara gedir və bu, əlavə psixoloji yüklənməyə səbəb olacaq.

Çempionatın ən formada olan komandasının qapısına 4 top vurursunuz, “Neftçi”dən 5 xal öndəsiniz. Çempionat bitdi?

- Cəmi bir məğlubiyyət və fərq 3 xal azalır. Ümumiyyətlə, belə fikirdən uzağam. Dəfələrlə şahidi olmuşuq ki, kimsə 7-8 xal öndə olub, lakin sonra çempion ola bilməyib. Qarşıda xeyli oyunlarımız var. Özü də olduqca ağır. Bir neçə futbolçumuz zədələnir, bir neçəsi vərəqə limitini doldurur və bəzən futbolçu qıtlığı yaşayırıq. Üstəlik, hər bir rəqib bizə qarşı xüsusi motivasiyalı olur.

“Qarabağ” daha rəngarəng olub?

- Hər il dəyişiklik olur. Futbolda sürət artır. Topa sahib olmaq çox önəmlidir. Yaxşılığa doğru addım atmaq istəyirik. Bir şey var ki, biz rəqib imkan verdiyi qədər hücum edirik. Bu il avrokuboklarda qarşılaşdığımız bütün rəqiblərə qarşı bizə çətin oldu.


Qurban Qurbanov: "Biz rəqib imkan verdiyi qədər hücum edirik"

FaceBook Şərh Yaz
Son Saatın Xəbərləri:
Təhsil Nazirliyi tələbələrin aksiyasına münasibət bildiribOrqan transplantasiyası ilə bağlı qanun layihəsi parlamentdə müzakirə olunacaqXanış həkimin rəhbərliyi altında rayonlararası Ağciyər Xəstəlikləri xəstəxanasında işlər uğurla davam etdirilir.Azərbaycanda aviabiletlərin ödənişsiz təxsis edilməsi müddəti yenidən uzadılıbOperativ Qərargah: Məhdudiyyətlərin bir qisminin ləğv olunması qərarı qüvvəyə minibMüdafiə Nazirliyi: Yalan danışmaq deputata yaraşmazCənubi Koreya vətəndaşı Ermənistan həbsxanasında özünü asdı“Azərkosmos” mənfəətlə işləməyə başlayıbMüdafiə Nazirliyi: Silah gücü düşmənlə danışılacaq yeganə dildirAzərbaycanda daha bir vəzifəli şəxsin qanunsuz əməlləri ifşa olunubAzərbaycanda otellərin gəliri 16% azalıbAzərbaycanda dövlət xərclərinə yenidən baxılacaqAzərbaycan daha bir beynəlxalq reytinq cədvəlində mövqeyini yüksəldibAzərbaycan içki ixracını 48%-dən çox azaldıbDünya iqtisadiyyatının bu il çəkdiyi zərər açıqlandıAyda dağların formalaşması səbəbi müəyyən edilib"Performance Center" şirkəti ölkəyə daha 2 beynəlxalq avtomobil markasını gətirir!Bank Respublika özünüməşğulluq proqramına dəstək olmağa davam edirHavanın temperaturu daha da yüksələcəkAğsudan Körfəz ölkələri və Avropaya ixrac ediləcəkVolkswagen Bakı Mərkəzindən bayrama özəl kampaniya“Azsığorta”dan oğurluq olub